កម្រិតគំរាមកំហែង
ប្រសិនបើនិយាយអំពីកម្រិតគំរាមកំហែងរវាង Android និង iOS គេឃើញថាអ្នកប្រើប្រាស់ iPhone និង iPad ដូចជាមានការគំរាមកំហែងទាបជាង។ ការសិក្សាបានបង្ហាញថា ចំនួនភាគរយនៃមេរោគដែលវាយប្រហារទូរសព្ទគឺសំដៅរក Android ជាជាង iOS។ នេះក៏ដោយសារតែចំនួនអ្នកប្រើប្រាស់ប្រព័ន្ធ Android មានចំនួនច្រើន។ មួយវិញទៀត App Store របស់ iOS មានសុវត្ថិភាពខ្ពស់ដោយវាត្រួតពិនិត្យជាមុននូវរាល់កម្មវិធីដែល ដាក់ឲ្យអ្នកប្រើប្រាស់ដោនឡូតយ៉ាងតឹងរឹង ដើម្បីជៀសវាងការឆ្លងមេរោគចូលទូរសព្ទ។
សុវត្ថិភាពនៃ Software
ការគំរាមនឹងអាចកាត់បន្ថយបានប្រសិន បើប្រព័ន្ធ Android ធ្វើការ Updateទៅជំនាន់ចុងក្រោយ ប៉ុន្តែបញ្ហានោះគឺទូរសព្ទដែលប្រើប្រព័ន្ធ Android ទាំងអស់គឺមិនមែនសុទ្ធតែអាច Update ប្រព័ន្ធប្រតិបត្តិការជំនាន់ថ្មីបាននោះទេ។ ដោយឡែកសម្រាប់ iOS វិញគឺតែងមានការ Update ថ្មីជាញឹកញាប់ ហើយការ Update សឹងតែអាចធ្វើបានជាមួយ iPhone និង iPad គ្រប់ម៉ូដែលទៅហើយ។
ការរួមបញ្ចូលគ្នាជាមួយ Hardware
ផ្ទុយពីផលិតផល Apple សុវត្ថិភាពលើទូរសព្ទ Android មួយចំនួនគឺពឹងផ្អែកលើ Hardware ដែលមានមកស្រាប់។ រោងចក្រខ្លះផលិតទូរសព្ទដែលមាន Hardware មានសុវត្ថិភាពល្អ ចំណែករោងចក្រខ្លះវិញគឺមិនមាននោះទេ។
ការពារសុវត្ថិភាពលើ Android
ត្បិត Android មិនសូវមានសុវត្ថិភាពជាង iOS ក៏ពិតមែន ប៉ុន្តែមានវិធីដើម្បីការពារសុវត្ថិភាព Android បាន គឺដំឡើងកម្មវិធីសម្រាប់ស្កេនមេរោគដូចជា Norton Mobile Security ជាដើម ដើម្បីការពារការជ្រាបចូលនៃមេរោគ។
លោកសាស្ត្រាចារ្យ Kevin Curran បានមានប្រសាសន៍ផងដែរថា គ្មានប្រព័ន្ធប្រតិបត្តិការណាមានសុវត្ថិភាពជាងប្រព័ន្ធ ប្រតិបត្តិការណាមួយនោះទេ គឺមានចំណុចខ្លាំងរៀងៗខ្លួន។ ប្រព័ន្ធប្រតិបត្តិការដែលមានអ្នកប្រើប្រាស់ច្រើនគឺទាក់ទាញ ក្រុមអ្នក Hacker ខ្លាំងជាងគេ៕
រវាង Android និង iOS តើមួយណាមានសុវត្ថិភាពជាង?