2015 ~ INFO-TECH

Wednesday, September 2, 2015

៥ចំណុចគួរដឹង ! សំរាប់អ្នកមិនទាន់ចេះទិញ iPhone មួយទឹក !

Posted by Unknown on 12:19 AM

ដោយសារតែទូរសព្ទ iPhone ថ្មីមានតម្លៃថ្លៃ អ្នកប្រើប្រាស់មួយចំនួនបានងាកទៅជាវ iPhone មួយទឹក ព្រោះមានតម្លៃធូរថ្លៃ ហើយគុណភាពក៏មិនចាញ់ទូរសព្ទថ្មីប៉ុន្មានដែរ។ តែទោះជាយ៉ាងណា ទូរសព្ទមួយទឹកនោះមិនប្រាកដថាជាទូរសព្ទស្របច្បាប់ ឬអាចជាទូរសព្ទ ដែលម្ចាស់ដើមគេបានបាត់។

ដូចនេះអ្នកត្រូវអនុវត្ត៥ចំណុចខាងក្រោមនេះជាមុនសិន មុននឹងសម្រេចជាវទូរសព្ទ iPhone មួយទឹកដើម្បីការពារបញ្ហានៅថ្ងៃក្រោយ៖

១. ពិនិត្យមើលលេខ IMEI
អ្នកត្រូវពិនិត្យមើលលេខ IMEI ដែលមាននៅផ្នែកខាងក្រោយនៃសម្បកទូរសព្ទ (សម្រាប់ iPhone 3G, 3Gs, 4, 4s IMEI គឺស្ថិតនៅលើជើងស៊ីម) និងលេខ IMEI ដែលស្ថិតនៅទីតាំង Setting នៃទូរសព្ទ ថាតើដូចគ្នា ឬយ៉ាងណា ដើម្បីប្រាកដថាសម្បក iPhone នោះជាសម្បក Original។ ប្រសិនសម្បកនោះមិនមែនជាសម្បក Original នោះអ្នកអាចតថ្លៃដើម្បីទទួលបានតម្លៃថោកជាងមុន។

***វិធីពិនិត្យ IMEI ក្នុងទូរសព្ទគឺចូលទៅកាន់ Setting → General → About → IMEI។

២. ពិនិត្យមើល Find My iPhone
ប្រសិនបើទូរសព្ទមានកំណត់ Find My iPhone (Activation Lock: On) ទូរសព្ទនោះនឹងគ្មានន័យសម្រាប់អ្នកឡើយ ព្រោះម្ចាស់ទូរសព្ទមុនអាចធ្វើការ Lock ទូរសព្ទរបស់អ្នកបានគ្រប់ពេល។ អ្នកអាចឆែកមើលថាទូរសព្ទនោះមានកំណត់មុខងារ Find My iPhone ឬក៏អត់ដោយចុចត្រង់នេះ រួចវាយបញ្ចូលលេខ IMEI ឬ Serial Number ចូលទៅក្នុងប្រអប់នោះ។

Screen-Shot-2015-01-23-at-4.37.51-pm.png

៣. ឆែកមើលលេខ IMEI ត្រូវបាន Lock ឬអត់
ក្នុងករណីដែលលេខ IMEI ត្រូវបាន Lock នោះអ្នកមិនអាចប្រើប្រាស់ទូរសព្ទដើម្បីធ្វើការហៅចេញបាននោះទេ ទោះបីជាអ្នកផ្លាស់ប្ដូរស៊ីមកាតក៏ដោយ។ អ្នកអាចពិនិត្យមើលថា លេខ IMEI របស់អ្នកត្រូវបាន Lock ឬយ៉ាងណាដោយគ្រាន់តែ ចុចទីនេះ រួចវាយបញ្ចូលលេខ IMEI ដែលនៅផ្នែកខាងក្រោយនៃទូរសព្ទ។

៤. លុបចោល Data ទាំងអស់
មុននឹងជាវទូរសព្ទ iPhone មួយទឹកយកមកប្រើ អ្នកគួរ Sign Out ពី iCloud របស់ម្ចាស់ទូរសព្ទមុន រួចធ្វើការលុបចោលទិន្នន័យចាស់ទាំងអស់ដោយចូលទៅកាន់ Setting → General → Reset → Erase All Content and Settings។

៥.ពិនិត្យមើលទូរសព្ទដែលអ្នកទិញស្របច្បាប់ ឬអត់
ចុចនៅត្រង់កន្លែងនេះ រួចវាយបញ្ចូលលេខ Serial Number ទូរសព្ទ។ ប្រសិនបើអ្នកអាចបន្តទៅទំព័រផ្សេងបាន មានន័យថាទូរសព្ទដែលអ្នកទិញគឺស្របច្បាប់ ប៉ុន្តែបើចេញពាក្យសុំទោស ទូរសព្ទអាចគេបាត់ ឬជាទូរសព្ទមិនស្របច្បាប់។

Read More [...]

Posted in Phone Info

Tuesday, September 1, 2015

Xiaomi ដាក់បង្ហាញកូនកាមេរ៉ាសម្រាសកម្មភាពដូច GoPro ដែរ តែតម្លៃត្រឹម 64$

Posted by Unknown on 9:33 PM

Xiaomi ត្រូវបានគេស្គាល់ថាជាក្រុមហ៊ុននៅប្រទេសចិនមួយ ដែលវាអាចផលិតឧបករណ៍អេឡិចត្រូនិចនានាបានគុណភាពល្អ និងមានតម្លៃធូរថ្លៃបំផុត អាចធ្វើការប្រកួតប្រជែងជាមួយក្រុមហ៊ុនដទៃបាន ដែលមានដូចជាទូរស័ព្ទ ថេប្លេត ឧបករណ៍ភ្ជាប់ជាមួយទូរទស្សន៍ រឺក៏ខ្សែដៃសុខភាពជាដើម។ នៅពេលថ្មីៗនេះក្រុមហ៊ុនក៏បានធ្វើការដាក់បង្ហាញកូនកាមេរ៉ាដាក់ តាមខ្លួនទៀត ដែលវាអាចផ្តល់មុខងារស្រដៀងគ្នាទៅនឹងកាមេរ៉ា GoPro ដែរ ប៉ុន្តែវាមានទំហំតូចជាង ហើយក៏តម្លៃធូរថ្លៃខ្លាំងជាងណាស់ផងដែរ ដែលអាចធ្វើអោយអ្នកចូលចិត្តថតរូបវីដេអូឃើញហើយ ចង់ធ្វើជាម្ចាស់ភ្លាមតែម្តង។

កូនកាមេរ៉ាតូចច្រឡឹងដែអាចប្រើប្រាស់សម្រាប់ថតរូបភាព រឺវីដេអូសកម្មភាពអ្វីមួយបានជំនួសអោយកាមេរ៉ាឌីជីថល រឺកាមេរ៉ាទូរស័ព្ទបានយ៉ាងល្អ ព្រោះអីវាតូច សមត្ថភាពខ្ពស់ ហើយក៏មិនងាយខូចខាត និងកាន់ថ្មបានយូរផងដែរ។ កាមេរ៉ានេះអាចធ្វើការថតសកម្មភាពនានាដូចជាពេលធ្វើដំណើរ វីដេអូឯកសារ ថតកុនជាដើម។ Xiaomi Yi Action Camera មានទំហំ 16 មេហ្គាភិចសែល ប្រើប្រាស់ស៊ិនស័រ Sony Exmor BSI CMOS និងមាន Aperture F/2.8 ដែលអាចថតយកសកម្មភាពនានាបានច្រើននិងច្បាស់ល្អ មិនចាញ់កាមេរ៉ា GoPro ប៉ុន្មាននោះទេ។ វាអាចចាប់យកវីដេអូទំហំ 1080 ក្នុងទំហំ 60fps បាន រឺ 720 ក្នុងទំហំ 120fps និង 480 ក្នុងទំហំ 240fps។ កាមេរ៉ានេះបំពាក់ដោយ Processor Amberella A7LS ដែលអាចគណនារូបភាព និងវីដេអូបានលឿនរហ័ស និងក្នុងគុណភាពល្អ។

កាមេរ៉ានេះទំងន់ត្រឹម 72 ក្រាមប៉ុណ្ណោះ មានម៉េម៉ូរីក្នុងម៉ាស៊ីនទំហំ16GB ដែលអាចបន្ថែមទៀតបាន មានថ្មទំហំ 1,010 mAh អាចប្រើប្រាស់បានយូរ និងមានប្រព័ន្ធ Wi-Fi ងាយស្រួលសម្រាប់អោយអ្នកបញ្ជាវាចេញពីទូរស័ព្ទ Android របស់អ្នក។ តួខ្លួនរបស់វាបានបង្កើតឡើងពីលោហៈធាតុពិសេស ដែលប្រឆាំងទាំងសីតុណ្ហភាពក្តៅ និងត្រជាក់ ហើយវាក៏អាចស្ថិតនៅក្នុងទឹកបានដល់ជំរៅ 40 ម៉ែត្រផងដែរ ខ្លាំងជាងកាមេរ៉ាធម្មតាទៅទៀត។

Read More [...]

Posted in Camera Info

Monday, August 31, 2015

មូលហេតុទាំង 4 ដែលអ្នកមិនគួរទិញ iPhone 6 ឬ iPhone 6 Plus មកប្រើនៅពេលនេះ!

Posted by Unknown on 9:03 PM

មានមិត្តអ្នកអាន មួយចំនួនហើយ បានដឹងបន្ទាប់ ពីពត៌មាន អន្តរជាតិ និងជាតិ ចេញផ្សាយ ជាច្រើន ទាក់ទងនឹង ការត្រៀមបង្ហាញ វត្តមាន iPhone ជំនាន់ក្រោយ នាខែក្រោយនេះ ដោយការប្រកាស ជាផ្លូវការរបស់ Apple ថានឹងបើក ព្រឹត្តិការណ៍ នៅថ្ងៃទី 9 ខែកញ្ញា ក្រោយនេះ ហើយអ្នកដែល មានបំណង ចង់ទិញ iPhone 6 ឬ iPhone 6 Plus គួរតែពិចារណា ម្តងទៀត។

នៅពេលនេះដែរ យើងបាន ពាំនាំ ពត៌មាន ចុងក្រោយមួយ ដែលបង្ហាញ ពីមូលហេតុ ដែលអ្នកមិន គួរទិញ iPhone 6 ឬ iPhone 6 Plus មកប្រើប្រាស់ នៅពេលនេះ។ ដើម្បីជ្រាប កាន់តែច្បាស់ អ្នកអាចអាន ការបកស្រាយ នៅខាងក្រោម៖

iPhone ជំនាន់ក្រោយជិតចេញលក់

យើងអាចជឿជាក់ លើពត៌មាន ជាច្រើនបាន ចេញផ្សាយ ពីលក្ខណៈសម្បត្តិ របស់ iPhone ជំនាន់ក្រោយ ដែលមាន សមត្ថភាព ខ្លាំងក្លាជាង iPhone នាពេល បច្ចុប្បន្ននេះ ទ្វេដង ដូចនេះ ហេតុអ្វីអ្នក ត្រូវទិញ iPhone បច្ចុប្បន្ននេះ មកប្រើប្រាស់ទៀត? អ្នកគួរចាំ iPhone ជំនាន់ក្រោយ ចេញមក រួចទិញ ប្រើឲ្យទាន់សម័យ ល្អជាង។

តម្លៃ

បើសិនជាអ្នកទិញ iPhone 6 ឬ iPhone 6 Plus នឹងខាត បន្ទាប់ពីដាក់ លក់វិញ ដោយសារ បន្ទាប់ iPhone ជំនាន់ក្រោយ ចេញលក់ហើយ តម្លៃ iPhone 6 ឬ iPhone 6 Plus នឹងធ្លាក់ថ្លៃ ដោយអ្នកទិញ ពេលនេះ ប្រើបានតែ 1 ខែ ស្រាប់តែ ធ្លាក់ថ្លៃ 100 ដុល្លារ បន្ទាប់ពីចេញ IPhone ជំនាន់ក្រោយ ច្បាស់ជានឹកឃើញ ស្តាយក្រោយ។

ស្មាតហ្វូនដំនើរការ Android ផ្សេងៗ

បើសិនជា អ្នកយកលុយនោះ មកទិញស្មាតហ្វូន ដំនើរការ Android ដូចជា Samsung Galaxy S6 ឬ One Plus 2 ឬ LG G4 ឬ Galaxy note 5 វិញ ប្រហែលជា ប្រសើរជាង ដោយសារ ស្មាតហ្វូនទាំងនេះ ទើបដាក់ លក់នា ឆ្នាំនេះ ហើយមាន សមត្ថភាពខ្លាំង ថែមទៀតផង ចំនែកឯ iPhone 6 ឬ iPhone 6 Plus ចេញបានជិត 1 ឆ្នាំ តែតម្លៃ នៅតែថ្លៃ ហើយជិតចេញ ស៊េរីថ្មីទៀត ដូចនេះ មានន័យថា ជិតហួស សម័យហើយ។

អ្នកត្រូវគិតពីអនាគត

នៅពេល Apple ដាក់លក់ស្មាតហ្វូន ថ្មីរបស់ ពួកគេនោះ ក៏មានក្រុមហ៊ុន ប្រកួតប្រជែងដទៃ ដាក់លក់ ស្មាតហ្វូន របស់ពួកគេ បន្តបន្ទាប់ ដែលមាន សមត្ថភាពខ្លាំងៗ ជាងផលិតផល Apple ដែរ ដូចនេះ អ្នកអាចពិចារណា ទិញផលិតផលផ្សេងៗ ជាជាង ការផ្តោតលើតែ ផលិតផល តែមួយ។

ខាងលើនេះ ជាមូលហេតុ ដែលយើងបាន ពាំនាំមកពី សារពត៌មាន បរទេសមួយ ហើយមិត្តអ្នកអាន អាចយក មូលហេតុ ទាំងនេះ ទៅពិចារណាបាន។

Read More [...]

Posted in Phone Info

ចាន់ វឌ្ឍនាកា និងកែវ សុខផេង នៅមានបញ្ហារបួស ខណៈកម្ពុជាជិតប៉ះជប៉ុន

Posted by Unknown on 8:57 PM

ខ្សែបម្រើប្រយុទ្ធវ័យក្មេងដ៏ឆ្នើមរបស់ក្រុមជម្រើសជាតិកម្ពុជា ២រូបគឺ ចាន់ វឌ្ឍនាកា និង កែវ សុខផេង មិនប្រាកដថាអាចចូលលេងបានឬយ៉ាងណានោះទេ នៅពេលកម្ពុជាប៉ះម្ចាស់ផ្ទះជប៉ុននៅថ្ងៃទី៣ ខែកញ្ញាខាងមុខនេះ សម្រាប់ការប្រកួតជម្រុះបាល់ទាត់ពិភពលោកឆ្នាំ២០១៨ នៅប្រទេសរុស្ស៊ី ប្រចាំតំបន់អាស៊ីជុំទី២។

កីឡាករ កែវ សុខផេង កាលប្រកួតមិត្តភាពជាមួយ ប៊ូតាន់

កែវ សុខផេងដែលទើបទៅដល់ប្រទេសជប៉ុនជាមួយក្រុមជម្រើសជាតិកម្ពុជា កាលពីយប់មិញនេះ បានប្រាប់ Sabay ថានៅពេលនេះរូបគេមានបញ្ហាឈឺចង្កេះនៅឡើយ ដូច្នេះមិនទាន់ប្រាកដថា រូបគេអាចចូលលេងបានឬយ៉ាងណានោះទេ។ ការប្រកួតនេះពិតជាសំខាន់ណាស់ ពីព្រោះជួបជាមួយក្រុមខ្លាំងប្រចាំតំបន់អាស៊ី ដូច្នេះរូបគេពិតជាមិនអាចអវត្តមានពីទីលានបានឡើយ។ ទោះយ៉ាងណា ការចូលលេងបាន ឬមិនបានរង់ចាំរហូតដល់ថ្ងៃទី៣ ខែកញ្ញាសិនទើបដឹងច្បាស់។

កីឡាករមកពីភ្នំពេញក្រោនរូបនេះបន្ថែមទៀតថា ក្រៅពីមានរបួសចង្កេះ សមាជិកជម្រើសជាតិកម្ពុជាឆ្នើមមកពីក្លិបបឹងកេតអង្គរ ចាន់ វឌ្ឍនាកា ក៏មានបញ្ហារបួសជើង ហើយក៏មិនទាន់ប្រាកដ១០០% ក្នុងការបង្ហាញខ្លួនលើទីលានបានឬយ៉ាងណាដូចគ្នា។ កីឡាករកម្ពុជាផ្សេងគ្មានបញ្ហាអ្វីឡើយគឺអាចចូលលេងបាន។

សម្រាប់ការប្រកួតសន្សំពិន្ទុក្នុងពូល E នៃពានរង្វាន់បាល់ទាត់ពិភពលោកវគ្គជម្រុះតំបន់អាស៊ី កម្ពុជាបានបរាជ័យចំនួន ២ប្រកួតជាប់ៗ គ្នាគឺចាញ់ សិង្ហបុរី ៤-០ និងចាញ់ អាហ្វហ្គានីស្ថាន ១-០ ក្នុងទឹកដីខ្លួនឯង។ ក្រុមជម្រើសជាតិកម្ពុជា បានទៅដល់ប្រទេសជប៉ុន កាលពីព្រឹកមិញនេះ បន្ទាប់ពីបានប្រមូលផ្ដុំពីថ្ងៃទី១៧ ខែសីហា កន្លងទៅ ហើយបានប្រកួតមិត្តភាពអន្តរជាតិឈ្នះក្រុមភ្ញៀវប៊ូតាន់ កាលពីថ្ងៃទី២០ ខែសីហា មុនចេញទៅប្រទេសថៃ នៅថ្ងៃទី២៥ ខែសីហា ឆ្នាំ២០១៥។ នៅថ្ងៃទី២៦ ខែសីហា បានប្រកួតស្មើគ្នាជាមួយក្លិប Army United ក្នុងលីកអាជីពកំពូលថៃ ១ ទល់ ១ និងប្រកួតមិត្តភាពអន្តរជាតិចាញ់ក្រុមជម្រើសជាតិឡាវ ២ ទល់ ១ កាលពីថ្ងៃទី២៩ ខែសីហា ថ្មីៗនេះ៕

កីឡាករ ចាន់ វឌ្ឍនាកា

Read More [...]

Posted in Sport Info

Wednesday, August 19, 2015

តើលោក Lee Tae Hoon យកកីឡាករណាជំនួស ប្រាក់ មុន្នីឧត្តម ក្នុងក្រុមជម្រើសជាតិ?

Posted by Unknown on 2:57 AM

ខ្សែប្រយុទ្ធ និង ជាប្រធានក្រុមមកពីក្លិបស្វាយរៀង កីឡាករ ប្រាក់ មុន្នីឧត្តម បានប្រកាសនៅលើគណនីហ្វេសប៊ុករបស់ខ្លួននៅថ្ងៃអង្គារ ទី ១៨ ខែ សីហា ម្សិលមិញថា រូបគេមិនអាចជួយក្រុមបាល់ទាត់ជម្រើសជាតិកម្ពុជា ក្នុងយុទ្ធនាការប្រកួតជម្រុះពានរង្វាន់បាល់ទាត់ពិភពលោក 2018 FIFA World Cup Russia បាននោះទេ ព្រោះមានបញ្ហាសុខភាព។

Cambodia-Nationall-Football-Team-2015-171

ប្រាក់ មុន្នីឧត្តម (ស្ដាំ) បង្ហាញខ្លួនជាមួយក្រុមជម្រើសជាតិពេលប្រមូលផ្ដុំដំបូង

ជុំវិញបញ្ហានេះលោក ឆាំង ពិសិដ្ឋ អ្នកចាត់ការទូទៅក្រុមបាល់ទាត់ជម្រើសជាតិកម្ពុជា បានលើកឡើងថាមុនការប្រកួតមួយខែ សហព័ន្ធបានបញ្ជូនឈ្មោះកីឡាករចំនួន ២៥ នាក់ទៅកាន់សហព័ន្ធកីឡាបាល់ទាត់ទ្វីបអាស៊ី (AFC)។ ក្នុងចំណោម ២៥ នាក់នេះបានជ្រើសចេញពីបញ្ជី ៥០ នាក់ដែលបានចុះឈ្មោះតាំងពីលើកដំបូងមកម្ល៉េះ។ តាមគម្រោងកីឡាករទាំង ២៥ នាក់ត្រូវជម្រុះ ២ នាក់ចេញ ដោយទុកតែ ២៣ នាក់ប៉ុណ្ណោះ ធ្វើដំណើរទៅប្រកួតនៅជប៉ុន។

លោកថា លោក Lee Tae Hoon មិនជ្រើសរើសកីឡាករបន្ថែមជំនួស កន្លែង ប្រាក់ មុន្នីឧត្តម នោះទេ ដោយរក្សាកីឡាករ ២៤ នាក់បណ្ដោះអាសន្ន ហើយត្រូវជម្រុះតែម្នាក់ប៉ុណ្ណោះក្រោយចប់យុទ្ធនាការប្រកួតកម្ដៅ សាច់ដុំនៅប្រទេសថៃ។

កីឡាករ ប្រាក់ មុន្នីឧត្តម មានបញ្ហារបួសត្រង់ក្រលៀន ក្នុងពេលជួយក្រុមស្វាយរៀង ប្រកួតឈ្នះបៀលប្រាយ ដោយលទ្ធផល ៣ ទល់ ១ ប្រកួតកាលពីជើងទី១ ដើមខែសីហា កន្លងទៅក្នុងពានរង្វាន់បាល់ទាត់ក្របខណ្ឌមិត្តហ្វូនខេមបូឌាន លីក ២០១៥ (MCL 2015)។

ក្រុមកម្ពុជា ត្រូវប្រកួតជាមួយក្រុមប្រទេសប៊ូតាន់ នៅវេលាម៉ោង ៦ ថ្ងៃព្រហស្បតិ៍ ទី ២០ ខែ សីហា ខាងមុខលើទីលានពហុកីឡដ្ឋានជាតិ ក្នុងរាជធានីភ្នំពេញ ហើយនៅថ្ងៃទី ២៤ ខែ សីហា ខាងមុខក្រុមកម្ពុជាត្រូវដំណើរទៅកាន់ទីក្រុងបាងកក ប្រទេសថៃ ដើម្បីមិត្តភាពជាមួយក្រុមនៅក្នុងលីកកំពូលរបស់ថៃ (កំពុងទាក់ទង) នៅថ្ងៃទី ២៦ ខែ សីហា ហើយត្រូវប្រកួតជាមួយក្រុម ជម្រើសជាតិឡាវ នៅទីនោះក្នុងថ្ងៃ ២៩ ខែសីហា ផងដែរ។ ចេញពីថៃ ក្រុមជម្រើសជាតិកម្ពុជា ត្រូវបន្តដំណើរទៅប្រទេសជប៉ុន តែម្ដងនៅថ្ងៃទី ៣១ ខែ សីហា។

ចំពោះប្រកួតផ្លូវការក្រុមជម្រើសជាតិកម្ពុជា ត្រូវជួបម្ចាស់ផ្ទះជប៉ុន ក្នុងវគ្គជម្រុះពូល E នៃពានរង្វាន់ FIFA World Cup ប្រចាំទ្វីបអាស៊ី នៅកីឡដ្ឋាន Saitama Stadium 2002 ក្នុងទីក្រុង Saitama នាថ្ងៃទី ៣ ខែ កញ្ញា ឆ្នាំ ២០១៥ ហើយត្រូវត្រឡប់មករាជធានីភ្នំពេញវិញ ដើម្បីទទួលភ្ញៀវក្រុមស៊ីរី នៅពហុកីឡដ្ឋានជាតិ នាសៀលថ្ងៃទី ៨ ខែ កញ្ញា ឆ្នាំ ២០១៥ វិញម្ដង៕

ប្រភពពី ៖ news.sabay.com.kh

Read More [...]

Posted in Sport Info

ក្នុងមួយខែHacker តែម្នាក់អាចរកលុយបានជាង១០ម៉ឺនដុល្លារ

Posted by Unknown on 12:03 AM

Hacker គឺជាឈ្មោះដែលសម្ដៅចំពោះក្រុមមនុស្ស ឬបុគ្គលណាដែលមានជំនាញខ្លាំងខាងប្រព័ន្ធផ្សព្វផ្សាយ និងបច្ចេកវិទ្យា ។ ជាធម្មតាការងារប្រចាំថ្ងៃរបស់ក្រុមនេះគឺមិនជាបើកចំហ និងជាក់ស្ដែងឱ្យឃើញនឹងភ្នែកងាយៗនោះឡើយ ពោលគឺការងាររបស់ពួកគេ គឺអង្គុយចាំតែធ្វើការក្នុងទីអាថ៌កំបាំង ហើយមិនមាននរណាម្នាក់ងាយស្គាល់ឈ្មោះ និងសាវតាររបស់ពួកគេឡើយ ប៉ុន្តែគេអាចដឹងថាក្នុងពិភពលោកបច្ចុប្បន្នគឺសម្បូរទៅដោយ ក្រុមHacker ដោយសារពួកគេក៏ជានិស្សិតដែលបានបញ្ចប់ការសិក្សាចេញពីសាលាណាមួយដែល ផ្ដល់ការអប់រំខ្ពស់ទៅលើប្រព័ន្ធបច្ចេកវិទ្យា និងពត៌មាន ។

តើការងាររបស់ក្រុមមនុស្សជំពូកនេះមានអ្វីខ្លះ ? ហើយតើប្រភពរកលុយរបស់ពួកគេកើតចេញពីណាខ្លះ?

យោង តាមការសិក្សាស្រាវជ្រាវមួយនៃវិទ្យាស្ថានTrustwave ពួកគេបានបង្ហាញថា ជាធម្មតាការងាររបស់ពួកក្រុមមនុស្សជំពូកនេះគឺអង្គុយធ្វើការមួយ កន្លែង និងផ្ដោតយ៉ាងសំខាន់ទៅលើការវាយប្រហារតាមប្រព័ន្ធផ្សព្វផ្សាយ និងពត៌មាន។ នៅក្នុងសំណុំនៃការងារររបស់ពួកគេ គឺពួកគេពូកែខាងការបង្កើតលេខកូដសម្ងាត់ បង្កើតគេហទំព័រក្លែងក្លាយ កែច្នៃពត៌មានក្លែងក្លាយ ផ្ញើរសារក្លែងក្លាយ បង្កើតមេរោគ និងបញ្ជូនមេរោគដែលពួកគេបានបង្កើតនោះ ឆ្ពោះទៅកាន់ទីណាមួយដែលពួកគេចង់បញ្ជូនទៅ ។ ឧទាហរណ៍៖ ក្រុមHacker តែងតែព្យាយាមរកគ្រប់មធ្យោបាយដើម្បីចូលទៅកាន់គណនីរបស់បុគ្គល ឬក្រុមណាមួយដើម្បីសិក្សា និងទាញយកលេខកូដសម្ងាត់ធនាគារ ឬលេខកូដសម្ងាត់ឃ្លាំងផ្ទុកឯកសារសំខាន់ៗជាដើមពីបុគ្គល ឬក្រុមនោះ ។ នៅពេលដែលក្រុមមនុស្ស ឬបុគ្គលណាម្នាក់ ដែលបានប្រឈមនឹងបញ្ហា ដែលក្រុមHacker បានបង្កើត និងបញ្ជូនទៅហើយ ប្រសិនជាពួកគេគ្មានជំនាញ ខ្វះចំណេះដឹងខាងបច្ចេកវិទ្យា ឬថាជាបុគ្គលដែលប្រហែស នោះចរន្តប្រាក់ និងឃ្លាំងឯកសារសម្ងាត់ដែលពួកគេបានតម្កល់ទុកនៅក្នុងទីណាមួយ នឹងត្រូវស្ថិតក្នុងដៃរបស់ក្រុមHackerនេះតែម្ដង ។ ដូច្នេះប្រភពរកប្រាក់របស់ពួកHacker គឺបានមកពីប្រភពនេះឯង ។ ជាធម្មតា ក្នុងមួយខែៗ Hackerតែម្នាក់អាចរកប្រាក់បានចាប់ពី៦០,០០០-១០០,០០០ដុល្លារ ៕

Read More [...]

Posted in Computer Info

Tuesday, August 18, 2015

ស្រ្ដីចូលចិត្ដថែសម្ផស្ស ប៉ុន្ដែមើលរំលងទម្លាប់ល្អៗ

Posted by Unknown on 11:58 PM

មិត្ដនារីទាំងអស់គ្នាតែងរិះរកគន្លឹះថែសម្ផស្សល្អៗ ដែលងាយស្រួលយកតាមខ្លួន ហើយវិធីថែសម្ផស្សនោះទៀតសោត មិនត្រឹមតែជាអ្វី ដែលធ្វើឱ្យមិត្ដនារីស្រស់ស្អាតតាមការពេញចិត្ដប៉ុណ្ណោះទេ ប៉ុន្ដែវាក៏មិនធ្វើឱ្យមិត្ដនារីចំណាយប្រាក់ច្រើនដែរ។ អញ្ចឹងយើងសូមណែនាំ មិត្ដនារីទាំងអស់គ្នានូវវិធីថែរក្សាសម្ផស្សងាយៗដោយចំណាយប្រាក់ តិច ដែលអ្នកអាចអនុវត្ដតាម។

រក្សា រាងកាយរបស់អ្នកឱ្យមានសំណើម៖ ការពិសាទឹកឱ្យបាន ៨កែវក្នុងមួយថ្ងៃ អាចផ្ដល់អត្ថប្រយោជន៍ដ៏អស្ចារ្យដល់ស្បែក និងរាងកាយរបស់អ្នក។ ការរក្សារាងកាយឱ្យមានសំណើមគឺជាជំហានដ៏មានសារៈសំខាន់ក្នុងការ ឱ្យប្រាកដថាស្បែករបស់អ្នកមានសុខភាពល្អ និងទន់រលោង។ ក្រៅពីទឹកអ្នកក៏អាចពិសាភេសជ្ជៈដទៃទៀត ដើម្បីផ្ដល់សំណើមដល់រាងកាយដែរ។

លាងសម្អាតម្សៅតែង មុខឱ្យបានស្អាត៖ សូមឱ្យប្រាកដថា អ្នកបានជម្រះចោលម្សៅតែងមុខមុនពេលអ្នកចូលគេង ហើយអ្នកមិនចាំបាច់ត្រូវការផលិតផលថ្លៃៗដើម្បីជម្រះម្សៅតែងមុខ នោះទេ។ ប្រេងអូលាវក៏អាចជួយលាងជម្រះម្សៅពីផ្ទៃមុខរបស់អ្នកដែរ។

គេងឱ្យ បានគ្រប់គ្រាន់៖ ការគេងឱ្យបានគ្រប់គ្រាន់នឹងរក្សាអ្នកឱ្យមានសុខភាពល្អ និងសកម្មពេញមួយថ្ងៃ។ ការគេងបានគ្រប់គ្រាន់មានសារៈសំខាន់សម្រាប់រាងកាយដើម្បីបំពេញមុខងារ បានប្រក្រតី និងអាចធ្វើឱ្យអ្នកក្មេងជាងវ័យ និងចាប់ផ្ដើមថ្ងៃថ្មីប្រកបដោយភាពស្រស់ស្រាយ។ ការគេងមិនបានគ្រប់គ្រាន់អាចធ្វើឱ្យយារស្បែកនៅក្រោមភ្នែក និងមានស្នាមរង្វង់ខ្មៅ និងធ្វើឱ្យភ្នែករបស់អ្នកក្រហាយពេញមួយថ្ងៃ។

ញ៉ាំ បន្លែបៃតងនិងផ្លែឈើ៖ ប្រសិនបើអ្នកញ៉ាំអាហារទាន់ចិត្ដ(Fast Food) ឬអាហារផ្ទុកជាតិស្ករច្រើន អ្នកគួរបញ្ឈប់ទៅ។ ផ្លែឈើ និងបន្លែសម្បូរទៅដោយសារធាតុប្រឆាំងនឹងអុកស៊ីដកម្ម និងមានគុណប្រយោជន៍ដ៏អស្ចារ្យសម្រាប់ស្បែក និងការថែបំប៉នរាងកាយទាំងស្រុងរបស់អ្នក ដូច្នេះគួរពិសាបន្លែ និងផ្លែឈើឱ្យបានច្រើន៕

Read More [...]

Posted in life&health

Friday, August 14, 2015

Barcelona ចុកឈាម ក្រោយចាញ់ Bilbao ៤-០ យប់មិញ

Posted by Unknown on 7:41 PM

ក្រុមខ្លាំង Barcelona បានរងបរាជ័យយ៉ាងអាម៉ាស់ ៤-០ ក្រោមថ្វីជើងរបស់ក្រុម Athletic Bilbao ក្នុងការប្រកួតជើងទីមួយពានរង្វាន់ Spanish Super Cup ។

2B5F698D00000578-3198712-image-a-25_1439588286000

2B5F698D00000578-3198712-image-a-25_1439588286000

អ្នកមានបុណ្យដែលពោរពេញដោយទ័ពស្រួចដូចជា Lionel Messi , Suarez និង Pedro ជាដើមនោះមិនអាចទម្លុះសំណាញ់ទីរបស់ក្រុម Bilbao បានទេ តែផ្ទុយទៅវិញបែរជាត្រូវក្រុមម្ចាស់ផ្ទះមួយនេះស៊ុតដល់ទៅ៤-០ ទៅវិញ ដោយកីឡាករAritz Aduriz ជាអ្នកធ្វើបាន៣គ្រាប់ម្នាក់ឯង។

អតីតកីឡាករ Liverpool ឈ្មោះ Mikel San Jose ជាអ្នកបំបែកពងមាន់ក្រុម Barcelona បានមុននៅនាទីទី១៣ ដោយការទាត់បាល់ពីចម្ងាយយ៉ាងស្អាត ខណៈដែល៣គ្រាប់របស់ Aduriz ធ្វើបាននៅនាទី៥៣ , ៦២ និង៦៨។

ក្រោយចាញ់យ៉ាងស្ពឹកមុខនេះដែរ លោក Enrique បាននិយាយថានេះជាមេរៀនល្អបំផុតសម្រាប់ក្រុមទាំងមូល។ ការមើលងាយគូប្រកួតជាបញ្ហាប្រឈមសម្រាប់ក្លិបក៏ដូចជាកីឡាករទាំង អស់។ ប្រកួតនេះជាកំហុសរបស់ខ្ញុំ ដែលមិនបានរៀបប្រព័ន្ធការពារឱ្យល្អ។ Bilbao ជាក្លិបល្អ ដែលអាចវាយសម្រុកនិងចុះការពារបានលឿន។

2B5F2D9400000578-0-image-a-16_1439584907323

2B5F2D9400000578-0-image-a-16_1439584907323

Read More [...]

Posted in Sport Info

គុណប្រយោជន៍សុខភាពរបស់ទឹកក្រូចឆ្មារដែលអ្នកពុំធ្លាប់ដឹង

Posted by Unknown on 7:28 PM

ក្រូចឆ្មារគឺជាផ្លែឈើជូរ ដែលមានក្លិនឈ្ងុយប្រហើរគួរជាទីជាប់ចិត្ដ។ វាមិនត្រឹមតែអាចយកទៅប្របាច់ចូលទៅក្នុងអាហារ ឬភេសជ្ជៈផ្សេងៗឱ្យមានរសជាតិឆ្ងាញ់ពិសាប៉ុណ្ណោះទេ ប៉ុន្ដែវាថែមទាំងមានគុណប្រយោជន៍ច្រើនដល់សុខភាពទៀតផង។ ខាងក្រោមនេះគឺជាគុណប្រយោជន៍មួយចំនួនរបស់ទឹកក្រូចឆ្មារ ដែលល្អប្រសើរសម្រាប់សុខភាពរបស់អ្នក៖

១. ក្រូចឆ្មារល្អប្រសើរសម្រាប់សុខភាពស្រ្ដី៖ ផ្លែឈើជូរប្រភេទនេះមានផ្ទុកនូវកាល់ស្យូម និងអាស៊ីដFolic ជាសារធាតុចិញ្ចឹម២យ៉ាង ដែលមានសារៈសំខាន់សម្រាប់ស្រ្ដីក្រោយអស់រដូវ និងស្រ្ដីដែលដល់វ័យអាចមានកូនបាន។ ក្រូចឆ្មារស្រស់មួយផ្លែមានផ្ទុកកាល់ស្យូម ២២មីលីក្រាម និងអាស៊ីដ Folic ជាង ៥មីក្រូក្រាម។

២. សម្បកក្រូចឆ្មារអាចប្រឆាំងនឹងស្បែកចាស់៖ សម្បកនៃផ្លែឈើជូរមានផ្ទុកសារធាតុទប់ស្កាត់ការផលិតចេញនូវមេឡានីន។ ដោយសារវ័យចាស់ និងការប៉ះនឹងកាំរស្មីUV ជាតិមេឡានីនដែលផ្ដល់ពណ៌សម្បុរដល់ស្បែករបស់អ្នកអាចកពូនឡើង និងផ្ញើខ្លួនជាចំណុចខ្មៅនៅលើស្បែករបស់អ្នក។ ការព្យាបាលស្បែកដោយបិទម៉ាស់ធ្វើពីសម្បកក្រូចឆ្មារអាចកាត់បន្ថយនូវ ស្នាមអុជខ្មៅនេះ។

៣. ក្រូចឆ្មារជាឱសថធម្មជាតិប្រឆាំងនឹងជំងឺមហារីក៖ សមាសធាតុ Limonoid នៅក្នុងក្រូចឆ្មារមានប្រសិទ្ធភាពប្រឆាំងនឹងកោសិកាបង្កជំងឺមហារីកពោះ វៀនធំ មហារីកក្រពះ និងមហារីកគ្រាប់ឈាម។ ក្រុមអ្នកវិទ្យាសាស្រ្ដបានអង្កេតឃើញថា សារធាតុប្រឆាំងនឹងអុកស៊ីដកម្មឈ្មោះ limonoidនេះ ក៏អាសម្លាប់កោសិកាមហារីកបានផងដែរ។ ជាតិ limonoids នៅក្នុងក្រូចឆ្មាររស់នៅយ៉ាងសកម្មនៅក្នុងចរន្ដឈាមរបស់អ្នក កម្ទេចនូវរ៉ាឌីកាល់សេរីមានប្រសិទ្ធភាពជាង តែបៃតង និងសូកូឡាខ្មៅ។

៤. ទឹកក្រូចឆ្មារអាចជួយបង្ការការកកើតឡើង នៃជំងឺគ្រួសក្នុងតងនោម៖ ទឹកក្រូចឆ្មារស្រស់មានផ្ទុកនូវអាស៊ីដនីទ្រីកច្រើនជាងក្រូចពោសាត់។ អាស៊ីតនីទ្រីកគឺជាភ្នាក់ងារទប់ស្កាត់បែបធម្មជាតិ នៃគ្រួសក្នុងតម្រងនោម ដែលកើតឡើងដោយសារកាល់ស្យូមគ្រីស្ដាល់។ សូមពិសាទឹកក្រូចឆ្មារស្រស់ ដែលច្របាច់ចូលទៅក្នុងទឹក ជំនួសឱ្យការពិសាទឹកក្រូចឆ្មារកំប៉ុង ឬដប ដើម្បីទទួលបានប្រសិទ្ធភាពខ្ពស់។

៥. ទឹកក្រូចឆ្មារអាចបន្ថយជាតិកូឡេស្ដេរ៉ូល៖ សារធាតុ Flavonoid ដែលគេរកឃើញដំបូងនៅក្នុងទឹកក្រូចឆ្មារមានប្រសិទ្ធភាពកាត់បន្ថយជាតិ កូឡេស្ដេរ៉ូល និងកម្រិត triglyceride នៅក្នុងខ្លូនសត្វដែលចិញ្ចឹមដោយអាហារផ្ទុកដោយកូឡេស្ដេរ៉ូលខ្ពស់៕

Read More [...]

Posted in life&health

Thursday, August 13, 2015

របៀបចំអិនស៊ុបមាន់ខ្មៅ‬ អោយមានរសជាតិឆ្ងាញ់!!

Posted by Unknown on 10:11 PM

គ្រឿងផ្សំ ៖

– មាន់ខ្មៅ

– ការុត មីសួ

– ពុទ្រាហាល សាច់មៀនហាល គ្រាប់ឈូក ផ្កាចេកហាល

– ផ្សិតត្រចៀកកណ្តុរ ផ្សិតឈើឬផ្សិតចំបើង ស្បែកជ្រូកបំពង ពពុះសណ្តែក

– មើមខ្ញី ខ្ទឹមស ខ្ទឹមក្រហម ស្លឹកខ្ទឹម ជីរវ៉ាន់ស៊ុយ

– ម្រេច អំបិល ទឹកត្រី ស្ករ ម្សៅស៊ុប

របៀបធ្វើ ៖

១- ដាំទឹកអោយពុះ ស្ងោរមាន់ខ្មៅ មួយពុះចោល អោយបាត់ជាតិចំអាប។ ស្រង់ចេញ ទុកទៅម្ខាង។

២- លីងខ្ទឹមស អោយឈ្ងុយ រួចចាក់ទឹកត្រីចូល ថែមម្រេចបុក ខ្ទឹមក្រហមហាន់ អំបិលនិងស្ករ កូរអោយឈ្ងុយ ទើបចាក់ទឹកដាំ។

៣- ពេលទឹកពុះ ដាំមើមខ្ញីដាក់មួយដុំ ហើយដាក់មាន់ចូល។ ពេលរំងាស់ កុំគ្របគម្របឆ្នាំង។ បើគ្របនឹងធ្វើអោយទឹកស្ងោរល្អក់ ហើយឆាប់ផ្អូម។

៤- នៅឆ្នាំងផ្សេងទៀត ដាំទឹកស្រុះ ពុទ្រាហាល សាច់មៀនហាល គ្រាប់ឈូក ផ្កាចេកហាល ផ្សិតត្រចៀកកណ្តុរ ផ្សិតឈើឬផ្សិតចំបើង ស្បែកជ្រូកបំពង ពពុះសណ្តែក។ ស្រង់ចេញ លាងអោយស្អាត។

៥- ពេលពិនិត្យឃើញ សាច់មាន់ រាងផុយស្បែកបន្តិចសិន ទើបចាក់ការុត និងគ្រឿងដទៃចូល។

៦- នៅពេលមាន់ផុយទន់សាច់ ទើបដាក់ម្សៅស៊ុប ហើយភ្លក្សថែមថយតាមចំណូលចិត្ត។

៨- ត្រាំមីសួអោយទន់ ហើយកាត់ខ្លីៗ ទុកដាក់មួយអន្លើ។

៩- ស្លឹកខ្ទឹម និងជីវវ៉ាន់ស៊ុយ ត្រូវហាន់ល្អិតៗ ទុករោយពីលើស៊ុប ពេលដួសស្ងោរមាន់ដាក់ចានសម្ល។

១០- ដាក់មីសួបន្តិចទៅបាតចាន មុននឹងដួសស្ងោរមាន់កំពុងពុះលើចង្ក្រាន ដាក់ចានសម្ល ទើបរោយស្លឹកខ្ទឹម និងជីវវ៉ាន់ស៊ុនពីលើ។ ស៊ុបនេះ ត្រូវទទួលទាន នៅពេលក្តៅៗទើបឆ្ងាញ់៕

Read More [...]

Posted in life&health

វីតាមីន E អាចសម្លាប់កោសិកាជម្ងឺមហារីកបាន

Posted by Unknown on 10:06 PM

ជម្ងឺមហារីក គឺជាជម្ងឺផ្ដាច់ផ្ដិលជីវិតមនុស្សមួយប្រភេទក្នុងចំណោមជម្ងឺ ដ៏កាចសាហាវចំនួន១០ដែលកំពុងល្បីល្បាញក្នុងពិភពមនុស្សលោក ។ សព្វថ្ងៃជម្ងឺប្រភេទនេះ គឺជាក្ដីកង្វល់ដ៏ស្មុគស្មាញនៃពិភពលោកទាំងមូល ដែលភាគច្រើន គឺជម្ងឺមហារីកតែងតែកើតមានចំពោះស្រ្តី ។ រាប់មកទល់ថ្ងៃនេះ អ្នកវិទ្យាសាស្រ្ត និងវេជ្ជបណ្ឌិតល្បីៗ ខ្លាំងៗនៅជុំវិញពិភពលោក នៅមិនទាន់ស្វែងរកឃើញឱសថណាមួយដើម្បីមកព្យាបាលជម្ងឺមួយនេះ ឱ្យជាដាច់នៅឡើយទេ ប៉ុន្តែថ្មីៗនេះមានរបាយការណ៍ស្រាវជ្រាវដ៏គួរឱ្យចាប់អារម្មណ៍ មួយរបស់អ្នកវិទ្យាសាស្រ្តអាមេរិក បានរកឃើញថា មានមធ្យោបាយដ៏មានប្រសិទ្ធភាពមួយដែលអាចជួយសង្គមមនុស្សឱ្យជៀស ចេញពីជម្ងឺមហារីកនេះបាន ។ តើនោះគឺជាអ្វីទៅ ?

ជាទូទៅមនុស្សយើងតែងយល់ថា កាលណាមិនទាន់មានថ្នាំព្យាបាលបាននៅឡើយ គឺយើងត្រូវអនុវត្តតាមវិធីម៉ាស្សា ឬធ្វើចលនានៅជុំវិញចំណុចដែលងាយប្រឈម ។ ឧទាហរណ៍ដូចជា៖ ការម៉ាស្សា ដោយការស្ទាបអង្អែលថ្នមៗនៅត្រង់បរិវេណជុំវិញសុដន់របស់ស្រ្តី ខ្លួនឯង ដើម្បីងាយស្រួលដឹងពីវត្តមាននៃជម្ងឺនេះ។ ជាដំណឹងល្អមួយ ដែលអ្នកវិទ្យាសាស្រ្តសុខាភិបាលបានរកឃើញថា វីតាមីន E គឺជាឱសថដ៏មានប្រសិទ្ធភាពមួយប្រភេទដែលអាចសម្លាប់ចោលឱ្យអស់ នូវកោសិកាជីវិតរបស់ជម្ងឺមហារីក និងទប់ស្កាត់មិនឱ្យវីរុសប្រភេទនេះបន្តកើតមានឡើងតទៅទៀត ។

តើវីតាមីន E មានប្រតិបត្តិការណ៍យ៉ាងណា ទើបអាចសម្លាប់កោសិកាជម្ងឺមហារីកដែលជាជម្ងឺដ៏មានឥទ្ធិពលរាប់ ទស្សវត្សរ៍នេះបាន ?

ប្រតិបត្តិការណ៍របស់វីតាមីន E គឺវាមានភាពសកម្មយ៉ាងចំណានក្នុងការជ្រៀតចូលទៅក្នុងកោសិកា ជម្ងឺ និងធ្វើការបញ្ចប់ជីវិតរបស់កោសិកានៃជម្ងឺមហារីក និងធ្វើឱ្យដំណើរការលូតលាស់នៃកោសិការបស់វាត្រូវអស់ឥទ្ធិពលបាន យ៉ាងមានប្រសិទ្ធភាព ។ អ្នកវិទ្យាសាស្រ្តបានពន្យល់បន្ថែមថា ដ្បិតតែស្ថិតនៅក្នុងដំណាក់កាលស្រាវជ្រាវ ដែលគេជឿថា វីតាមីនE គឺជាមធ្យោបាយតែមួយគត់ដែលអាចជួយមនុស្សឱ្យរួចផុតពីការវាយ ប្រហាររបស់ជម្ងឺមហារីក ប៉ុន្តែវីតាមីនE គឺមានច្រើនប្រភេទ ច្រើនកម្រិត និងគុណភាពខុសៗគ្នាទាំងអស់ ។ ដូច្នេះគេនៅមិនទាន់ដឹងឱ្យប្រាកដ១០០%នៅឡើយទេថា តើកម្រិត ប្រភេទ និងគុណភាពវីតាមីនEបែបណាដែលសក្ដិសមក្នុងការបញ្ចប់ជីវិតកោសិកា ជម្ងឺមហារីក ប៉ុន្តែពួកគេបានរំឭកថា អ្នកគួរចាប់ផ្ដើមទទួលទានអាហារប្រភេទណាដែលមានផ្ទុកវីតាមីនE ឱ្យបានច្រើន ព្រោះកាលណាបរិមាណរបស់វីតាមីនEមានចំនួនច្រើន គឺវាពិតជាអាចមានតម្រុយសម្រាប់ព្យាបាលជម្ងឺមួយនេះ ៕

Read More [...]

Posted in life&health

ហេតុអ្វីបានជា iPhone របស់អ្នក សុខៗស្រាប់តែរលត់ឈឹង បើកវិញក៏មិនដំណើរការ?

Posted by Unknown on 10:01 PM

លោកអ្នកភ័យណាស់មែនទេ នៅពេលដែលសុខៗស្រាប់តែ iPhone របស់លោកអ្នករលត់ឈឹង ពេលបើកឡើងវិញ ក៏បើកអត់ចេញ ព្យាយាមសាកថ្មក៏មិនឃើញសញ្ញាថាដំណើរការ? តើវាខូចទាំងស្រុងហើយមែនទេ?

ជាការពិត បើសិនជាលោកអ្នកជួបបញ្ហានេះ សូមកុំគិតថាមានតែលោកអ្នកម្នាក់ដែលបានជួប ព្រោះមានអ្នកប្រើប្រាស់ iPhone ភាគច្រើនលើសលប់បានជួបបញ្ហាដូចៗគ្នា។ ប្រការនេះ ត្រូវបានក្រុមហ៊ុន Apple តាមរយៈគេហទំព័រសារធារណៈ http://discussion.apple.com បានអះអាងថា វាបណ្តាញមកពីបញ្ហាមួយចំនួនដូច ខាងក្រោម..៖

iPhone របស់លោកអ្នកមិនដែលបិទសោះតាំងពីទិញមក ដូច្នេះវាអាចធ្វើអោយ គាំង (Crash)
លោកអ្នកប្រើប្រាស់អស់ថាមពលខ្លាំងពេក ដូច្នេះវាត្រូវការពេលវេលាសមស្របដើម្បីអោយលោកអ្នកសាកថាមពលឡើងវិញ និងដំណើរស្រាវជ្រាវរកកំហុសរួចរាល់ទើបដំណើរវិញបាន។
ដោយសារតែ Firmware (កម្មវិធីដើម) ដែល ជួនកាលក្រោយពេលលោកអ្នក Jailbreak ហើយ វាក៏ខូច រឺបិទដំណើរការ។ ដូច្នេះកុំព្យាយាម Jailbreak បើសិនលោកអ្នកអាចប្រើប្រាស់បាន។
ដោយសារការបញ្ចូល Apps ដែលគ្មានប្រភពច្បាស់លាស់ មានមេរោគ ធ្វើអោយម៉ាស៊ីនគាំងលែងដំណើរការតែម្តង។

បើសិនជាបានជួបបញ្ហានេះ (បញ្ហារលត់បើកមិនចេញ) សូមលោកអ្នកកុំតក់ស្លុត កុំភ័យ ហើយក៏កុំទាន់អាលស្វែងរកជាងជួសជុល នាំតែគេយកលុយទទេៗនោះទេ។ លោកអ្នកត្រូវអនុវត្តន៌តាមការណែនាំដូចខាងក្រោមនេះ..៖

សាកថ្មចោលយ៉ាងហោចណាស់ ៣០នាទី រួចបើកវាឡើងវិញ។ បើវាមិនដំណើរការទេ សូមអនុវត្តន៌ជំហ៊ានទី២។
ចុចប៊ូតុង Home និង Power (Home+Power) ដំណាលគ្នា។ ពេលដែលរូបសញ្ញា Apple លេចឡើងរយៈពេល ១០ ទៅ ២០វិនាទី ត្រូវលែងដៃចេញវិញតំណាលគ្នា ហើយរងចាំវាដំណើរការយ៉ាងតិច១នាទី ពេលនោះ iPhone របស់លោកអ្នកនឹងត្រឡប់មកធម្មតាវិញ។
បើសិនវាមិនដំណើរការ សូមសាកល្បងម្តងទៀត ចុចប៊ូតុង Home និង Power (Home+Power) ដំណាលគ្នា។ រឺលោកអ្នកត្រូវស្វែងរកឧបករណ៌ថ្មីដូចជា ឆ្នាំងសាក ខ្សែរសាក ដើម្បីមកធ្វើតេស្ត។

បើសិនជាការអនុវត្តន៌តាមចំនុចនិមួយៗទាំង៣ខាងលើនេះ iPhone នៅតែ មិនដំណើរការទេ លោកអ្នកគួរតែទុកវាអោយត្រជាក់យ៉ាងហោចណាស់ ១ម៉ោង ដើម្បីអោយប្រព័ន្ធប្រតិបត្តិការណ៌ដើមរបស់ Board ធ្វើការដកចេញនូវបញ្ជារមួយចំនួន។ រឺលោកអ្នកត្រូវភ្ជាប់ទូរស័ព្ទទៅកាន់ iTunes រួចផ្ញើរបញ្ហានេះទៅ Apple រឺត្រូវចុច Restore iPhone ដើម្បីអោយវាដំណើរឡើងវិញ ប៉ុន្តែយើងខ្ញុំមិនទទួលខុសត្រូវចំពោះការខូចខាតទេ បើសិនជាការ Restore ហើយស្រាប់តែជាប់កូដ៕

បំរាម..៖ ការអនុវត្តន៌តាមវិធីខាង លើគឺត្រូវធ្វើដោយប្រុងប្រយ័ត្ន។ យើងខ្ញុំមិនទទួលខុសត្រូវចំពោះការខូចខាតដោយប្រការណាមួយទេ។ ការអនុវត្តន៌ គឺជាដំបូន្មានដែលត្រូវបានដកស្រង់ពី https://discussions.apple.com /docs/DOC-3763

Read More [...]

Posted in Phone Info

Wednesday, August 12, 2015

របៀបដំឡើង Windows 10 - Install Windows 10

Posted by Unknown on 10:02 PM

របៀបតំឡើង windows 10 តាមដំណាក់ការនីមួយៗ
1. យើងត្រូវទាញយក File ISO នៃ Windows 10។

· ចុចត្រង់លីងនេះទាញWindows 10 64 bit (តាមរយៈUtorrent )

· ចុចត្រង់លីងនេះទាញWindows 10 32 bit (តាមរយៈUtorrent )

2. កំណត់ឲ្យWindows Boot ពីFlash

3.បន្ទាប់មកត្រូវExtract File ISO ចូល Flash Drive បន្ទាប់មកទៀត យកFlash ដោតចូល កុំព្យូទ័រ(ប្រសិនបើករណីមិនboot សូម ចុចត្រង់លីងនេះដើម្បីធ្វើFlash Boot)

4. បន្ទាប់ពីផ្ទាំងលោតហើយចុចNext

5. ចុចInstall

6. លោកអ្នក អាចរំលងដោយចុច Skipក៏ បានដែរ រួចចាំធ្វើការ Activate ពេលក្រោយ ក៏បាន ឬWindows 10 ខ្លះទៀត គ្មាន Product key ក៏មានដែរ ដោយសារគេ crack រួចជាស្រេច ឬអ្នកវាយ លេខសម្ងាត់ Product key (Windows មួយចំនួន)ប្រសិនបើមានលេខសំងាត់ ។

លោកអ្នកត្រូវចុចលើជំរើស Custom: Install Windows Only (advanced)

7.ចុចលើ Drive C រួចចុច លើពាក្យ Format បន្ទាប់មកលោកអ្នក អាចចុច Next បាន

8. ចាំអោយ ដំនើរការបានដល់ 100 % វានឹង ចាប់ផ្តើម Restart ម៉ាស៊ីនដោយខ្លួនឯង

9. បន្ទាប់មកមានផ្ទាំងលោតមកដែលអាចអនុញាត្តឲ្យលោកអ្នក បំពេញបែបបទ មុនពេលប្រើ តែអ្នកត្រូវ ចុចពាក្យ Use express settingsបើមិនចង់បំពេញ

10. បន្ទាប់លោកអ្នកត្រូវ skip កន្លែងវាយ Microsoft account និងកន្លែងភ្ជាប់ wifi បន្ទាប់មកអ្នកបំពេញអ្វី ផ្សេងៗបាន

11. បន្ទាប់ពីបំពេញចប់សព្ទគ្រប់នឹងមានផ្ទាំងនេះលោតមក ហើយរង់ចាំមួយសន្ទុះ

បន្ទាប់ពីដំនើរការហើយ លោកអ្នកអាច ប្រើប្រាស់ បានហើយ ។

ចំណាំ៖ ទាញយកឯកសារមើលជាPDFត្រង់តំណនេះ ។

ចំណាំបើមិនទាន់Activate សូមធ្វើដូចខាងក្រោម៖

- ចូលCommand PromptជាAdministrator បន្ទាប់មកវាយឃ្លាដែលត្រូវនឹងប្រភេទWindows 10ដែលអ្នកបានដំឡើង ។

+ For Windows 10 build 10240 Enterprise

slmgr /ipk NPPR9-FWDCX-D2C8J-H872K-2YT43

+ For Windows 10 build 10240 Professional

slmgr /ipk W269N-WFGWX-YVC9B-4J6C9-T83GX

+ For Windows 10 build 10240 Home

slmgr /ipk TX9XD-98N7V-6WMQ6-BX7FG-H8Q99

- បន្ទាប់មកចុចEnter បន្ទាប់មកទៀតចាំទាល់តែវាចេញ ប្រអប់ប្រាប់ថា ជោគជ័យ បន្ទាប់បន្ត វាយឃ្លា slmgr /skms kms.xspace.in ចុច Enter ទៀត ។

- ចាំទាល់ចេញសារបង្ហាញ ថាជោគជ័យ បន្តសរសេរឃ្លា slmgr /ato ហើយចុច Enter ពេលនោះវានឹង បញ្ចេញប្រអប់មួយ បង្ហាញថា ជោគជ័យ ទើបបាន សំរេច។

Read More [...]

Posted in Computer Info

Sunday, August 9, 2015

Benitez ថា Real ស្មើ ០-០ ទល់ Valerenga ដោយសារគ្មាន Ronaldo

Posted by Unknown on 9:49 PM

Rafael Benitez អ្នកចាត់ការក្រុម Real Madrid បានលើកឡើងថា ដោយសារតែក្រុមរបស់លោកអវត្តមាន Cristiano Ronaldo ទើបបានជាស្មើ ០-០ ទល់នឹងក្រុម Valerenga ក្នុងការប្រកួតមិត្តភាព កាលពីយប់មិញ។

Ronaldo បានអវត្តមានពីក្រុមស្ដេចស ក្នុងការប្រកួតមិត្តភាពចុងក្រោយយប់មិញ ដោយសារមានបញ្ហាខ្នងបន្តិចបន្តួច ខណៈដែលខ្សែប្រយុទ្ធ Karim Benzema ក៏អវត្តមានដែរ ដោយសាររបួសភ្លៅ។ យ៉ាងណាក្ដី លោក Benitez បានដាក់ Jese, Gareth Bale និង James Rodriguez ឲ្យលេងចាប់ដៃគូគ្នា នៅតំបន់ខាងលើ ប៉ុន្តែនៅតែមិនអាចស្វែងរកគ្រាប់បញ្ចូលទីបាន។

អ្នកចាត់ការសញ្ជាតិអេស្ប៉ាញ វ័យ៥៥ឆ្នាំ បាននិយាយថា៖ “ក្រុមរបស់យើងមានសមត្ថភាពគ្រប់គ្រាន់ ដើម្បីស្វែងរកគ្រាប់បាល់ ប៉ុន្តែយើងខ្វះនូវភាពច្បាស់លាស់។ យើងត្រូវគិតឡើងវិញថា យើងបានបាត់បង់កីឡាករដ៏សំខាន់បំផុត (CR7) ដែលជាអ្នកតែងតែស៊ុតចូលទីច្រើន។ ប៉ុន្តែក្រុមនឹងបន្តដំណើរទៅមុខទៀត និងគិតវិជ្ជមានជានិច្ច។ ខ្ញុំមិនទាន់ពេញចិត្តក្រុមរបស់យើង១០០% ដូច្នេះមុនទីផ្សារដោះដូរកីឡាករបិទនៅថ្ងៃទី៣១ ខែសីហា យើងសង្ឃឹមថានឹងមានសមាជិកក្រុមថ្មីបន្ថែម”។

Read More [...]

Posted in Sport Info

គន្លឹះដាក់លេខកូដសម្ងាត់ (password) លើ Folder ដោយមិនបាច់ដំឡើងកម្មវិធី កុំឱ្យគេលួចមើលឯកសារសម្ងាត់របស់យើង

Posted by Unknown on 9:44 PM

គន្លឹះចាក់សោ ឬដាក់លេខកូដសម្ងាត់ (password) លើ Folder ដោយមិនបាច់ដំឡើងកម្មវិធី!ប្រភព៖ computerrelatedsolutions

បច្ចុប្បន្ន មានវិធីសាស្ត្រជាច្រើនក្នុងការបង្កើតលេខសម្ងាត់ ដើម្បីការពារថតឯកសារឬហៅថា Folder។ វិធីសាស្ត្រភាគច្រើនគឺចាំបាច់ត្រូវដំឡើងកម្មវិធីជំនួយ ប៉ុន្តែទំព័រនេះ TheBNEWS សូមបង្ហាញនូវរបៀបលាក់ ឬចាក់សោ Folder ដោយមិនចាំបាច់ប្រើកម្មវិធី គឺប្រើតែ batch script (ពាក្យបញ្ជានៅ Command Prompt) ប៉ុណ្ណោះ។

650x278ximage92.png.pagespeed.ic.a4NtNeNyNl

– ដំបូង សូមបើកកម្មវិធី notepad ដែលមានស្រាប់នៅលើ Windows ឬដើម្បីបើកបាន សូមចុចស្ដាំ mouse លើ Desktop រួចហើយចូលទៅ New រើសយក Text Document។

566x444ximage62.png.pagespeed.ic.HZjYnH1Vw8

– សូម copy បណ្ដុំពាក្យបញ្ជាខាងក្រោមនេះ ទៅ past នៅលើកម្មវិធី notepad រួច save។ បញ្ជាក់៖ នៅត្រង់ PASSWORD_GOES_HERE សូមប្ដូរទៅដាក់លេខសម្ងាត់ (password) របស់អ្នក។ រក្សាទុក (save) ឯកសារនោះជាប្រភេទ .bat ដោយរើសយក All Files នៅត្រង់ Save as type ជាមុនសិន។ អ្នកអាចដាក់ឈ្មោះអ្វីក៏បាន ឧទាហរណ៍៖ Locker.bat។

————————————————————————

cls
@ECHO OFF
title Folder Private
if EXIST “HTG Locker” goto UNLOCK
if NOT EXIST Private goto MDLOCKER
:CONFIRM
echo Are you sure you want to lock the folder(Y/N)
set/p “cho=>”
if %cho%==Y goto LOCK
if %cho%==y goto LOCK
if %cho%==n goto END
if %cho%==N goto END
echo Invalid choice.
goto CONFIRM
:LOCK
ren Private “HTG Locker”
attrib +h +s “HTG Locker”
echo Folder locked
goto End
:UNLOCK
echo Enter password to unlock folder
set/p “pass=>”
if NOT %pass%== PASSWORD_GOES_HERE goto FAIL
attrib -h -s “HTG Locker”
ren “HTG Locker” Private
echo Folder Unlocked successfully
goto End
:FAIL
echo Invalid password
goto end
:MDLOCKER
md Private
echo Private created successfully
goto End
:End

———————————————————————————-

ឥឡូវនេះ សូមដំណើរការ file ប្រភេទ .bat ដែលអ្នកបាន save ដោយចុចពីរដង (double click) ឬស្ដាំ mouse រើសយក Open។

លើកដំបូងដែលអ្នកដំណើរការពាក្យបញ្ជានេះ វានឹងបង្កើតថតឯកសារមួយដែលមានឈ្មោះ “Private”។

Folder នេះគឺសម្រាប់អ្នករក្សាទុកឯកសារសម្ងាត់ផ្ទាល់ខ្លួនរបស់អ្នក។ រួចហើយអ្នកអាចចុចបើក Locker.bat ម្ដងទៀត នោះនឹងបង្ហាញផ្ទាំងសារដូចខាងក្រោម៖

ចម្លើយនៃសំនួរនេះមានតែពីរប៉ុណ្ណោះ គឺ “Y” ឬ Yes ដើម្បីចាក់សោ ឬលាក់ Folder ចំណែក “N” ឬ No មានន័យថា មិនត្រូវការលាក់។ ក្រោយពីចាក់សោ ឬលាក់ Folder ដោយវាយអក្សរ “Y” រួចនោះថតឯកសារ “Private” នឹងបាត់ចេញពីទីនោះភ្លាម។

ដើម្បីបង្ហាញ Folder ឈ្មោះ Private នេះមកវិញ អ្នកត្រូវបើកឯកសារ Locker.bat ម្ដងទៀត នោះនឹងតម្រូវឱ្យអ្នកបញ្ចូលលេខសម្ងាត់ (password) ដើម្បីដោះសោ (unlock)។

បញ្ជាក់៖ ប្រសិនអ្នកភ្លេចលេខសម្ងាត់ សូមចុចស្ដាំ mouse នៅលើឯកសារ Locker.bat នេះ រួចហើយរើសយក Edit ដើម្បីបើកមើលលេខសម្ងាត់ដែលអ្នកបានកំណត់ពីមុន។

ហើយប្រសិនអ្នកច្រឡំលុប Locker.bat សូមកុំបារម្ភ ព្រោះអ្នកក៏នៅតែអាចស្វែងរក Folder ដែលលាក់នោះមកវិញ ដោយចូលទៅ Folder Option រួចចូលទៅតាប View និងចុចដកធីកចេញពី Show hidden files, folders, and drives នោះអ្នកនឹងឃើញ Folder ស្រមោលដែលមានឈ្មោះ HTC Locker៕

Read More [...]

Posted in Computer Info

{ INFO-TECH }

ទំព័រដើម កុំព្យូទ័រ ទូរស័ព្ទ កាមេរ៉ា ជិវិត & សុខភាព កីឡា

Wednesday, September 2, 2015

៥ចំណុចគួរដឹង ! សំរាប់អ្នកមិនទាន់ចេះទិញ iPhone មួយទឹក !

Tuesday, September 1, 2015

Xiaomi ដាក់បង្ហាញកូនកាមេរ៉ាសម្រាសកម្មភាពដូច GoPro ដែរ តែតម្លៃត្រឹម 64$

Monday, August 31, 2015

មូលហេតុទាំង 4 ដែលអ្នកមិនគួរទិញ iPhone 6 ឬ iPhone 6 Plus មកប្រើនៅពេលនេះ!

ចាន់ វឌ្ឍនាកា និងកែវ សុខផេង នៅមានបញ្ហារបួស ខណៈកម្ពុជាជិតប៉ះជប៉ុន

Wednesday, August 19, 2015

តើលោក Lee Tae Hoon យកកីឡាករណាជំនួស ប្រាក់ មុន្នីឧត្តម ក្នុងក្រុមជម្រើសជាតិ?

ក្នុងមួយខែHacker តែម្នាក់អាចរកលុយបានជាង១០ម៉ឺនដុល្លារ

Tuesday, August 18, 2015

ស្រ្ដីចូលចិត្ដថែសម្ផស្ស ប៉ុន្ដែមើលរំលងទម្លាប់ល្អៗ

Friday, August 14, 2015

Barcelona ចុកឈាម ក្រោយចាញ់ Bilbao ៤-០ យប់មិញ

គុណប្រយោជន៍សុខភាពរបស់ទឹកក្រូចឆ្មារដែលអ្នកពុំធ្លាប់ដឹង

Thursday, August 13, 2015

របៀបចំអិនស៊ុបមាន់ខ្មៅ‬ អោយមានរសជាតិឆ្ងាញ់!!

វីតាមីន E អាចសម្លាប់កោសិកាជម្ងឺមហារីកបាន

ហេតុអ្វីបានជា iPhone របស់អ្នក សុខៗស្រាប់តែរលត់ឈឹង បើកវិញក៏មិនដំណើរការ?

Wednesday, August 12, 2015

របៀបដំឡើង Windows 10 - Install Windows 10

Sunday, August 9, 2015

Benitez ថា Real ស្មើ ០-០ ទល់ Valerenga ដោយសារគ្មាន Ronaldo

គន្លឹះដាក់លេខកូដសម្ងាត់ (password) លើ Folder ដោយមិនបាច់ដំឡើងកម្មវិធី កុំឱ្យគេលួចមើលឯកសារសម្ងាត់របស់យើង

Search

Facebook Like Page

អត្ថបទថ្មី

ប្រភេទ

Archives